सत्ता गठबन्धनको सीट बाँडफाँट कार्यदलको संयोजकमा सिटौला

भद्रपुर २३ साउन / नेपाली कांग्रेसका नेता कृष्णप्रसाद सिटौला सत्ता गठबन्धनमा प्रतिनिधि सभा र प्रदेश सभाको निर्वाचनका लागि सिट बाँडफाँटको गृहकार्य गर्न बनेको कार्यदलको संयोजक बन्नुभएको छ ।
समितिको सोमबार बसेको पहिलो बैठकले सिटौलालाई संयोजक बनाएको हो । कार्यदलमा नेपाली कांग्रेसबाट नेता कृष्णप्रसाद सिटौला, महामन्त्री गगनकुमार थापा र ज्ञानेन्द्रबहादुर कार्की हुनुहुन्छ ।

नेकपा (माओवादी केन्द्र)बाट देवप्रसाद गुरुङ र वर्षमान पुन हुनुहुन्छ भने नेकपा (एकीकृत समाजवादी)बाट उपाध्यक्ष प्रमेश हमाल र महासचिव बेदुराम भुसाल रहनुभएको छ।

त्यस्तै, जनता समाजवादी पार्टीबाट रामसहाय यादव, रकम चेम्जोङ र राष्ट्रिय जनमोर्चाबाट हिमलाल पुरी र आनन्द शर्मा सदस्य हुनुहुन्छ ।