भद्रपुरमा मनाइयो अन्तर्राष्ट्रिय योग दिवस

भद्रपुर ७,असार / भद्रपुरमा अन्तर्राष्ट्रिय योग दिवस मनाइएको छ। पतञ्जलि योग नगर समिति भद्रपुर, जिल्ला आयुर्वेद झापा र नव दुर्गा साधना केन्द्रको संयुक्त आयोजनामा योग साधना सहित बिबिध कार्यक्रम गरी आज योग दिवस मनाइएको हो।
   जिल्ला आयुर्वेद कार्यालय झापाका प्रमुख वैद्यराज डा. बिजय श्रेष्ठको अध्यक्षता र भद्रपुर नगर पालिकाको ७ नं.वडाका वडाध्यक्ष अभिषेक ढुङ्गानाको प्रमुख आतिथ्यमा भएको कार्यक्रममा जिल्ला आयुर्वेद कार्यालयले सबै साधकहरूको उचाइ, वजन, ब्लड प्रेसर र निशुल्करूपमा सुगरको जाँच गरिएको थियो ।

पतञ्जलि योग समिति भद्रपुरका नगर अध्यक्ष गणेश गिरीले संचालन गर्नुभएको कार्यक्रममा कार्यपालिका सदस्य सीता गुरागाई , पतञ्जलि योग समिति झापाका सल्लाहकार नारद प्याकुरेल,नवदुर्गा मन्दिर व्यवस्थापन समितिका अध्यक्ष यादव पोख्रेल , पतञ्जलि भद्रपुरका संस्थापक अध्यक्ष पवन महतो, खगेन्द्र निराैला ,वरिष्ठ बैद्य खगेन्द्र भट्टराई , डा. सुरज पन्त ,शिबेन्द्र यादव, प्रेमनाथ पाैडेल , अनिता बिमली , गंगा श्रेष्ठलगायत रहेको कार्यक्रम सञ्चालक गिरीले जानकारी दिनुभयो ।